開記(協和)冰室 - 快將消失的老店

食物：$$1/2
環境：$$$$
服務：$$$$

第一次踏足茶果嶺村，原來就在屋苑麗港城旁邊，沒想像中偏僻。

然而，只是一條馬路之隔，茶果嶺村就好像回到幾十年前般，別有一番滋味。

原本打算幫襯好多You Tuber推介的榮華冰室，可是店子在沒有預警的情況下休息，好在對面就有另一間冰室，叫開記，那就只好進去了。

肯定都是有番咁上下歷史的店子，但枱椅則沒有對面榮華咁有特色，大概就是無咩人介紹呢度既原因。

隨意叫左枝竹斑腩飯和梅菜扣肉飯，大家些牙食。先講講梅菜扣肉，扣肉本身肥瘦有致，質感鬆化不嚡口，可是南乳味好重，要多吃幾口飯來伴之。

另一款的枝竹斑腩，汁唔夠多，吃起來比較乾。但係，嗰汁醬本身都係好咸，所以墊底的枝竹和生菜都唔係人咁品。

至於凍奶茶，就甜到糖尿病發。

店子都是兩老在經營。據說呢條村明年就會遷拆，店主亦話到時就會退休，此等特色老店即將成為回憶。

唔知仲會唔會有機會，試到對面呢間榮華冰室呢?!

餐廳資料:
開記(協和)冰室 
油塘茶果嶺大街99號