再訪華山

食物：$$$$
環境：$$$$1/2
服務：$$$

很少短時間內番兜一間餐廳/ Cafe，華山是其中極小數之一。

由我係朋友IG Story見到，已經覺得好正，親身上到去後就更迷上嗰度既氛圍，最難得係連食物與咖啡都無揸流攤。

同樣地，另一朋友睇見我IG，又話好想去，於是我再一次踏足呢個地方。

都係果句，店內每一個角落都是打卡位，所以來這裡飲咖啡的朋友，請預留足夠時間俾自己影相。

雞翼可算是這裡的招牌食品，皮脆肉嫩，帶有香草氣息。然而我會比較喜歡上次嚐到，辣勁十足的水牛城雞翼，有汁醬始終要比乾的好。一碟五隻係分唔勻，就讓朋友著數一次吧，哈哈！

上次吃不成蛋糕，但皇天總不負有心人，今云終於嚐到得，仲有戚風同埋芝士蛋糕兩款揀。商議之後，決定要戚風蛋糕。尚算鬆軟的，結合輕怡的忌廉，沒投訴。

Cold Brew依舊合心，朋友亦對其拿鐵評價正面。

傾下Hea 下影下相，好容易就可以係度打發半天時間。

餐廳資料:
華山
荔枝角長沙灣道794號2樓
54022240 (WhatsApp)