The Sloth - 懶洋洋的下午茶

食物：$$$1/2
環境：$$$$
服務：$$$$

老媽子忽然話肚餓，問一唔一齊去食下午茶。

望望手錶，將近五點，那就建議吃豐富些，當是Early Dinner。

來到中染新城的The Sloth，店名加上充滿東南亞風情的裝潢，完完全全地提醒我們要學習慢活，悠悠然來吃下午茶就最適合不過。

下午茶選擇十分多，有齊星馬泰代表美食，甚至在餐牌上見到港式西多，同埋新派既甜品，如雪糕配雞蛋仔等等。老媽子點左海南雞魚蛋湯河，試左一件雞，稱得上皮爽肉嫩，味道比賣相要好，據知魚蛋都合格，同埋估唔到下午茶既份量，是如此巨型。

老豆就要亞參喇沙，同樣地嚐了一匙湯，味道可以的，但層次較單薄，甚至乎偏向似星洲版本的出品，唔係好亞參。但其他食材，如魚蛋、蝦及豆卜等，老豆就幾滿意。

我就對泰式船河最有興趣，滿滿的牛肉、牛太及牛筋腩，最重要是大量的炸豬皮，對辦。呷口湯，夠濃郁，河粉都滑，生牛肉浸耐左少少，但都唔會韌，細細粒既牛丸夠正宗，牛筋腩都鬆化唔韌。暫時未有去曼谷既打算，來嚐一碗船河止下癮，也好。

既然食開船河，飲品就貫徹泰式風情，要杯泰茶。大概是迎合左香港人既口味，杯茶甜度唔太高，但都是正宗的泰式，唔會添水摸魚俾港式嘢，但可能要左少冰，唔夠凍，就喝得不夠盡興。

下午茶時段無乜客，清清靜靜，悠悠閒閒地嘆，的確是個好地方。

下次有機會再試埋佢既新派甜品先~

餐廳資料:
The Sloth
荃灣青山公路 - 荃灣段388號中染大廈(8咪半)1樓115號舖
23500368