食物：$$$$
環境：$$$1/2
服務：$$$$
今日同大家殺入大西北，去到上璋圍的Cafe嘆番個午餐。
講到好似好僻咁，其實由天水圍西鐵站步行過嚟，三分鐘就到，十分方便。
店子地方好細，只有幾個室外位置，不過大家可以買完嘢食，坐係隔離的糖水舖慢慢享用，相信是同一家人經營 (?!)。點的兩款食物，其一係車打芝士薯餅蝦肉漢堡，包身有夠軟熟，薯餅香脆熱辣，蠻多的蝦肉撈埋芥末蛋黃醬，正好中和薯餅的熱物感覺，亦多一份清新。更要讚的是旁邊的番薯條，非常重的番薯味，趁熱食一流。
另一份係意式番茄素肉醬意粉，用叉捲起時才醒起忘記影相，盡量擺回原貌的補番張才吃。用既係Impossible Meat，這款素肉相信不用多介紹，質感與味道與真肉醬沒多大分別，撈埋有咬口既意粉，也好吃。
四月尾既氣溫已達三十度，草莓梳打正是解渴巨星，我也忍唔住要杯凍既Latte。
見到村口有個忘憂郵筒，大家可以將自己既憂愁投放進去，據聞忘憂星球負責人會作出解答。這類儀式感的東西，個人認為幾有趣，尤其家陣生活壓力相信令唔少人透不過氣，少少的紓發渠道，或許會幫到一啲人...
其實唔加素肉，“醒”多幾粒蘑菇仲開心呢！
回覆刪除