海外篇：上葡京大堂酒廊 - 多元選擇

食物：$$$$
環境：$$$$
服務：$$$$

上葡京Lobby Lounge，地方不大，卻雲集了不同國家之美食，迎合不同口味食客 (或賭客)既需要。

猶記得去年底到訪，酒店做緊Snoopy主題，有唔少可愛既史諾比菜色，甚至有史Snoopy公仔陪你一齊進餐。

數月後再來，食番啲「大人嘢」！

按習慣，大家各自點選心水食物，喜歡的話再分享。我既選擇係台式既鴨腿麵線，呷啖湯，帶點點藥材香，鴨腿蠻大隻，只是麵條偏向像米粉，與我預想中的麵線稍有出入，但整體發揮都是不錯的。

另一款的海南燒雞，預設當然是配油飯，但如果你像我老媽子一樣不喜歡酒飯的話，轉白飯也可。我只嚐了兩件燒雞，算得上皮脆肉嫩，沾上三色醬，同樣滿意。

滑蛋和牛河是濕炒，勝在炒得夠均勻，和牛質素好，嫩滑唔會假。

老豆的豬皮叉燒陳村粉反而麻麻，豬皮像輕輕炸過，但又未夠身，叉燒及燒肉像馬來的薄切，但老豆覺得好韌，精華只落在墊底的陳村粉之中。

去到西式項目，漢堡塊牛肉好厚身，咬落唔死實，但保持應有口感，喜歡佢配上頗多的沙律菜，感覺上無咁邪惡。

飲品選擇同樣多元化，馬來白咖啡都可以找到，但我還是要杯Latte比較隱陣。

餐廳資料:
上葡京大堂酒廊
澳門上葡京西翼大堂G15號