2021年10月22日 星期五

Meats - 食肉獸的地方



食物:$$$1/2
環境:$$$$
服務:$$$$ 

話說早前到這集團的西班牙餐廳The Optimist用餐,覺得食物不俗,性價比很高,所以週末帶了兩老來集團旗下的另一間餐廳Meats食午餐。

顧名思義,這店是以肉類為主打,岩晒我呢個食肉獸。

翻開餐牌,$248已有齊頭盤、主菜、配菜及甜品/ 特濃咖啡,似乎比The Optimist更加划算。

三份套餐,大家些牙食,有夠豐富。頭盤之一的凱撒沙律,走粗獷路線,但味道不求其,最重要是保留了凱撒沙律的精髓,炸麵包粒。另一款係炸魚墨西哥卷,將玉米皮捲起,包裹著新鮮炸的魚塊,伴以紫椰菜、Mayo、千島醬及阿根廷青醬,滿有風味。

再一味係鴨肉沙律,將鴨肉拆絲,放在西瓜粒之上,擺盤花心思。原來鴨肉與清甜多汁的西瓜,可以成為好拍檔。

主菜全是肉類之選,最邪惡的毫無疑問是烤豬腩肉。肉質鬆化,肥肉當然更為甘香,加上烤得脆卜卜的外皮,連皮下的油脂放入口,真的不健康就是美味。

半隻春雞,皮很香,主要是迷迭香、胡椒及香草等香料在發功,但肉質是未夠嫩滑,可以要求更高。

第三道,係鴨腿與窩夫的經典組合。將蛋黃破穿,任由蛋汁滲進鴨腿的每一分,又以蜜糖漿掃上窩夫之表面,兩者同吃,來得滿足。

Sides,有烤長柄西蘭花,同埋一大堆的炸薯條。然而,最誇張的卻是Mac & Cheese,混入了松露醬,自然更香,份量根本與主菜是沒有分別。

甜品的椰子青檸撻,清新又鬆化可口。窩夫配上雪糕,是沒有失敗之可能,當然用上優質、有雲尼拿籽的雪糕,再伴以朱古力漿及紅莓醬,就更加精彩。

若你不嗜甜,大可來杯特濃咖啡,消消滯也好。

參考過其餐牌,星期五來最抵,頭盤主菜加甜品或咖啡,才一百九十八,仲有一小時免費任飲...

究竟佢賺乜呀?


餐廳資料:
Meats
中環蘇豪士丹頓街28-30號地下
27111812

4 則留言: