2021年9月1日 星期三

神燈海鮮酒家 - 橫行無忌擦番餐



食物:$$$$
環境:$$$$
服務:$$$$ 

巨蟹座既筆者,從來不懼怕自相殘殺,無論是大閘蟹、奄仔、麵包蟹、松葉蟹,甚或是毛蟹、香箱蟹,乜乜乜,我也樂於大大啖吞晒落肚。

是夜再訪神燈,全是為了阿拉斯加黃金全蟹宴而來。

經理拿出四斤多重的生猛阿拉斯加蟹給大家過目後,就回去讓大廚炮製呢度打橫行既龐然巨物。

此時,大家吃些小食作為熱身。前菜的手拍青瓜,爽脆而帶有蒜香,掌翼大隻又入味,豬手對上次來也吃過,皮爽加上沙薑的味道,醒胃可口。

先來湯品,宮廷蟹爪濃雞湯,看色水已覺誇張。呷一口湯,濃郁得無話可說,骨膠原豐富,又不會惱人地黏著咀巴。湯好喝,就是裡頭的雞肉亦相當嫩滑,再食埋粗壯、啖啖肉的蟹腳,肯定滿足。

將大良炒鮮奶加入阿拉斯加蟹羔原素,豈會不吸引呢? 用上3.6北海道牛乳,自然富奶香,質感有少許像豆腐,再混和蟹羔之鮮香,不錯吃。

雞油花雕蒸蟹,是筆者以往經常吃的一味。蟹身多肉且鮮甜,結合雞油與花雕一起蒸煮,撲鼻而來的香氣是令人停不了口。

富星洲風情的麥皮蟹,是我非常期待的菜式,畢竟在疫情之下,實在太耐沒法踏足我喜愛的新加坡半步。蟹腳多肉不在話下,配以馬來西亞的麥皮,咸中滲出甜味,連埋蟹腳同吃,就當飛了一趟獅城。大廚已細心地將蟹腳剪開,吃起來時更為方便。

阿拉斯加蟹勝在啖啖肉之餘,蟹羔也是不可錯過。除剛才的炒鮮奶外,將蟹黃與芝士結合來做個烏冬,肯定是邪惡得叫人無可抗拒的美食,儘管真的很漏,也拼盡多吃幾條。

估唔到仲有懷舊蝦多士,呢餐真係滿足到極點。據說選用了印度的大白蝦,所以多士鬆脆乾身之餘,蝦肉寧舍彈牙。

桃膠係是晚免費贈送的糖水,而充滿辣勁的薑汁糕就是跟餐的甜品。

意猶未盡,再驚喜地來份可愛的熊貓流沙包作結,大家飽足而歸。

好香濃,好流的奶黃餡,正呀喂~


餐廳資料:
神燈海鮮酒家

4 則留言: