Cafe Circles - 海鮮薈萃

食物：$$$1/2

環境：$$$$

服務：$$$1/2

居住荃灣多年的老饕，竟從沒吃過荃灣如心酒店的自助餐，講出嚟都無人相信。

信不信由你，反正這是鐵一般的事實。不過，這晚我作出了零的突破～

有機會掹車邊去食Buffet，皆因只要湊夠八人惠顧，便會奉送巨型的斧頭扒一份。作為食肉獸既我，又點會錯過呢個機會。況且，我曾嚐過官塘如心艾朗的斧頭扒，堅掂！

   

食自助餐其中一個好處，係可以邊食邊等，大家都好明白，今時今日既香港，唔係人人可以準時收工咁幸福的。翡翠螺、凍蝦、小龍蝦及蟹腳等凍海鮮，慢慢食住等，當中的蟹腳最為搶手。

刺身與壽司，勉強也算得上切合呢個亞太海鮮盛宴的主題，所以都要參與一下，食少少，我記得我要留力食斧頭扒的。

熱食也有不少海鮮的項目，包括好耐無食過的龍蝦伊麵，色彩繽紛的海鮮串，惹味的辣味蕃茄魔鬼魚，以及蒜茸粉絲蒸扇貝等。

家陣，燒味也是自助餐的必備項目，這夜有叉燒與燒鴨，燒腩仔的皮可以更脆。

香口的東西，也滲透著海鮮既原素，炸蠔外層唔怕硬轟轟，蔗蝦充滿越南風情，還有泰式的魚餅，煎蠔餅，甚至薄餅也有海鮮成份。不過，個人推介的，是焗釀蟹蓋，非常足料。

連香口嘢都滿是海鮮蹤影，粉麵檔亦當然唔會例外。

值得一提，除了放在外面的眾多食品，以及斧頭扒外，每人還有一份焗龍蝦拼鴨肝的。龍蝦焗得香氣四溢，肉質唔會韌得像吃橡皮圈，但我既注意力始終落在邪惡的鴨肝身上。

叮叮叮叮...鈴聲響起，大概又是表演時間。原來是燒珍寶蠔，比手掌還要巨大的蠔，水準比預期中出色，不過如果獨啪一隻，應該即刻飽左，還是與大家分甘同味更好。

我最期待的，無疑是這枝巨大的斧頭扒，近骨的位置較為吸引。

甜品款式看起來幾吸引，而且是有不少蛋糕的選擇，如特濃巧克力、藍莓芝士、提拉米蘇等等，連吞幾件落肚，超級滿足。

再食埋西米布甸、法式焦糖燉蛋等，飽得得可以走路回家。

餐廳資料:
Cafe Circles
荃灣楊屋道8號香港如心海景酒店暨會議中心9樓
22802868