花月庭 - 自助餐新體驗

食物：$$$1/2

環境：$$$$

服務：$$$1/2

一年容易又中秋。雖然氣溫仍是三十多度，但其實已是九月中，秋季菜色係時候出籠。

早幾天在帝京的花月庭食Buffet，酒店亦已悄悄地換上新主題， 『當紅葉蟹逅AR秋滋味』。

科技一日千里既時代，Dining Experience亦不局限於食物與服務，加入科技原素將是大勢所趨，外國早已有類似的餐廳，廣受食客歡迎，只是香港永遠慢人九拍。

終於，帝京就作了先峰，在酒店各個角落，包括自助餐，加進了AR玩意，為食客的用餐經驗增添了趣味。

   

既然是次的主角係蟹，冷盤當然少不了蟹的蹤影，凍海鮮除了龍蝦鉗、蝦及青口等，亦加入了不少蟹，包括松葉蟹腳，以及鮮美的三點蟹等。

不管做什麼主題，海南雞是長年有得供應，而且大家均讚不絕口。上次太飽吃不下，這次怎樣也要來一碟。雞肉的確嫩滑，油飯也香，配三色醬，果然不俗。

比起上一次，今趟的熱食確實增添了唔少蟹既成份，咖喱肉蟹與及芝士蟹肉烏冬均屬惹味之選，說到後者，相信大家都知道，烏冬才是重點。

叮叮叮叮，表演時間，大家請出去排隊欣賞。原來是火焰蝦多士，將入味的蝦肉配多士，少許似西班牙式的做法。

大家都知我愛吃香口嘢，所以呢度既串燒，不管是豚肉或是雞肉，皆是我囊中物。

燒牛肉與燒排骨我也試了，平日大多會喜歡牛肉，但這次我會投燒排骨一票。

平時甚少幫襯自助餐粉麵檔，但佢竟有日式拉麵，而且水準幾好，也分了人家半碗來吃，果然出色，連日式叉燒都做得好，加多隻溫泉蛋就正晒！

每人會有一邊芝士焗龍蝦，香濃芝味，肉亦沒有韌得像趙香口膠，聽見鄰桌有食客更想偷雞要多份，哈哈哈～

甜品都有叮叮叮的表演項目，係火焰雪山。大家聽到鈴聲響起，紛紛湧出去，手快有手慢無，要吃趁手。

再嚐幾款蛋糕、奶凍等，已經飽到唔識得郁......

餐廳資料：
花月庭
旺角太子道西193號帝京酒店2樓
26226154