新店速遞：甘安越南料理 - 有排執

食物：$$1/2

環境：$$$$

服務：$$$

荃新天地最近密密換馬，踢走一些Stand Alone的小店，迎來更具名氣的餐廳，包括金田家、Triple O、檳城蝦麵 (即將面世)，以及這家，甘安越南料理。

如果我無搞錯，這店是與灣仔利東街的La Bo La屬同一集團，即由前高官的兒子所開設。

邊個開其實唔關我事，我只是個普通食客，希望入來食碗合意既河粉，滿足而歸。可惜，事與願違。

   

還未到繁忙時間，仍有大把吉位，死都要客人坐埋一個角落，像搭枱般擠迫，好討厭。

本想要碗火車頭，卻又恐怕自己眼濶肚窄，所以還是要碗蕃茄蟹肉蝦湯粉，加杯嘢飲。如果掂既話，下次才吃火車頭，反正店子咁近我家，總會有機會。

看賣相是可以，不過呷口湯，味道偏淡，欠缺醒胃的酸味，遜色。河粉沒有什麼驚艷，蟹肉毫無鮮味。最大期望的大頭蝦，蝦頭雖有羔，卻缺乏甘香，蝦身有欠彈牙質感，同樣一無是處。

我明新店要俾時間佢改善，但咁既水平（食物與服務亦然），真係有排搞。

飲埋杯咸檸七，一夜夫妻價錢，遲啲仲話要加一，短期內都唔打算再訪。

餐廳資料:
甘安越南料理
荃灣楊屋道1號荃新天地一期地下G27-28號舖
21105715