月滿慶中秋 (非酒店篇)

唔需要問我收到幾多月餅，唔需要鬥多，好冇？

真的，今年收到的月餅數量並不多，但也想這裡與大家分享一下，先是非酒店篇。

每年最震撼的，一定是奇華寄來的心意。一如以往，是分兩次收到不同系列的月餅，只能說句，太感激!

第一次收到的，係小丸子系列月餅。剛巧櫻桃小丸子的原作者，櫻桃子老師，本年8月份因病離世，令這個系列的月餅頓時成為其中熱哄哄的話題。有人認為更具收藏價值，網上又有人說會影響銷情。筆者倒不是太關心以上兩點，於我而言，是再一次提醒我要珍惜眼前人 (小丸子手提箱禮盒$188)。

   

無論是主角小丸子，抑或是佢最好朋友小玉，有錢又貪靚既花輪同學，看似陰森的野口，角色早已進入我們的心坎。而奶皇口味，與朱古力口味，各有特色。值得一提的是，這系列是有一個裝發售 (2個起，$80)。

小丸子系列外，還有大量其他的出品。鴛鴦奶皇月，有兩款新出的口味，分別是檸檬奶皇月，以及松子蜂蜜奶皇月餅，兩款我也是首次品嚐。前者清新，後者甜而不膩 (8個裝，$213)。

與往年一樣，奇華繼續與海洋公園合作，推出竹筒熊貓迷你月餅 ($188)。顧名思義，外盒是設計成竹筒形，非常可愛。一盒六隻，分別係奶皇月、蛋黃純白蓮蓉月，同埋蛋黃豆沙月，岩花心既朋友。

仲有兩盒，包括是禮盒大大隻字很吸睛的陳皮紅豆沙 ($238)，和奇華80周年限量禮盒($338)。限量版固然是較矜貴，既有雙黃純白蓮蓉月，又有已甚少收到的金華火腿五仁月，及十五年陳皮豆沙貢餅。若想送禮送得大方得體，呢個限量禮盒會是好選擇。

若我問大家對荔園有無／有多少印象，會否是一個陷阱去令大家暴露自己的年齡？哈哈～荔園今年亦有出月餅，更有兩款不同包裝，既有懷舊的 ($288)，又有可愛的明星大象＂天奴＂($388)。前者附送荔園跳棋一套，後者的大象更可化身成燈籠，各有特色。至於口味，其實兩者皆是流心奶皇，至少真的做到流心效果。今年荔園有同Mileslife合作，買月餅每$1可兌換1里，要儲里數去旅行的朋友可留意。