帝京軒 - 有藉口下次再來

食物：$$$1/2

環境：$$$1/2

服務：$$$1/2

身體健康好重要，如我這晚感冒咳嗽未癒，即使可勉強到帝京軒與朋友們飯聚，亦不能吃北京烤鴨和藥膳花雕雞，損失實在太大。

還好，今晚仲有勁多菜色，足以令我捧著肚子離開。

大家都知道，去帝京軒，就係飽到上心口架啦！

     

先飲碗松茸螺頭燉花膠，希望可以止到咳。很足料，好潤喉，喝得舒服。

黑豚叉燒，看上去是偏瘦，咬落仍然鬆化，富肉香，略帶燶邊，忍不住「安哥」了一遍。

北京填鴨靚靚仔仔地砌好，配以芝麻醬、日式柚子醬，或者傳統鴨醬，大家吃得津津有味，可惜我不敢碰。

北海道帆立貝質素當然好，口感爽彈，以芝士及松露醬去焗，香噴噴很可口，不過確有少許漏既感覺。

陳皮蒸龍躉球，是我期待的菜色之一。用上二十年既陳皮，香，龍躉的彈牙口感向來討我歡心，魚皮的膠質豐厚，美味。

雖然有叉燒，但我不介意再來個金沙骨。以鐵板上，保証夠香夠熱，微微燶邊很是吸引。金沙骨鬆化，容易離骨，甜甜的最合我口胃。

藥膳花雕魚肚雞，應是很滋補，但以防萬一，我還是放棄了。

除了帝京軒的食物，大家還有幸嚐到Lion Rock的情人節餐的和牛伴龍蝦雲丹燒，和牛自當入口鬆化，面頭兩件牛油弄成的玫瑰花作點綴，確實切合情人節主題。龍蝦加埋海膽去焗，點會難食。

最後來個上湯浸豆苗，健康一下。豆苗很嫩且「無骨」，幾好。

甜品同樣是Lion Rock既出品，白朱古力熱情果慕絲蛋糕，精緻，熱情果蛋糕清新，白朱古力沒想像中甜，是美好的終結。

有兩個餸食唔到，即係又有藉口下次再來啦～

餐廳資料:

帝京軒

旺角太子道西193號帝京酒店3樓

26226161