LA Creperie - 法式，不一定貴到唔得掂～

食物：$$$1/2

環境：$$$1/2

服務：$$$$

老友Whatsapp來問，今日下午有咩節目?

筆者的回覆是，去吃法式下午茶，有興趣嗎?

結果，又俾人話我經常去食貴價嘢，真冤枉!

的確，香港地，大部份人己將法國嘢與高檔、貴價掛了鈎。但，各位大概忘了Crepes這種較平民的美食。是日，我正正是約了數位好朋友去食Crepes之嘛，講到我成日食貴到唔得掂咁，真係唔順氣。

 

也有意粉選擇

雖然 Crepes有甜，亦有咸，花款眾多，但總也想吃些別的東西，感覺會好一點。因此，也就挑了肉醬意粉，香噴噴的，但意粉略為腍了一些。

 

巧健康

主角的Crepes，陸續送上，當然是由咸的開始，率先是三文魚沙律，煙三文魚人份量很足，加上超多的沙律菜蔬，灑上了檸檬汁，醒胃，感覺亦好健康。

 

香~

我更喜歡的一款，是La Complete Deluxe，鬆軟的餅皮內，既有太蛋，又有火腿，屬簡單好食的一款，加入了黑松露醬，多一份香氣。

 

吸引

之後，是兩款甜的，分別是Quebec St Malo及La Licorne，兩隻Crepes有幾分相似，都是配有雲尼拿雪糕，旁邊鋪滿生果。試問這些組合，又點會唔吸引? 除非，你對某些水果特別抗拒。

 

清新下

吃那麼多，總要杯清新的飲品去平衡下，Lemonade大概是好選擇!

飽了，好在，晚上會打波~

餐廳資料:

La Creperie

銅鑼灣駱克道459-461號The L. Square 8樓

2898 7123