御名軒 - 得閒飲茶

食物：$$$1/2

環境：$$$

服務：$$$

得閒飲茶呢番說話，等同腦細話升你職加你薪，往往是順口開河，千祈咪太認真太開心。

試問你跟人講得閒飲茶，又有多少次真會落實行動?

超難得，筆者真的能抽空，與朋友們一起，去酒樓飲茶。地點雖不是五星級酒店中菜廳，只是經濟實惠的街坊酒樓，但醉翁之意……

  

皮脆

每逢飲茶，那管是高級酒家，或是酒店中菜，十次有八次都係食叉燒，今云就轉一轉，吃燒腩仔。皮脆肉不韌，有肥也有瘦，身材合比例，合格有餘。

 

足料

筆者還是那麼傳統，飲茶食點心，蝦餃燒賣是必然之選。燒賣粒粒飽滿，唔會東歪西倒，頂頭置上蟹籽及蝦，頗巨大，誇張。蝦餃單睇形狀與摺紋，無須細心去數有多少摺，已顯示師傅的功架。

 

滑嘟嘟

呢度既腸粉，又是看得出的滑嘟嘟，令人有嘩一聲的興奮。皮薄而晶瑩，肥嘟嘟好想咬落去，在座有人對牛敏感，改要蝦，同樣掂！

 

實而不華

個人很喜歡吃芋角，得悉這裡有得供應，馬上點來。賣相稱不上太吸引，然而，咬落也是外鬆脆、內粉嫩，屬實而不華的出品。

 

唔流既

流沙包，很可惜，即使趁熱食，亦未見很流，要扣分，還好味道是不俗。

炆米

齌吃點心，可能不夠飽，所以又柯打了雪菜肉絲炆米。份量比預期中巨，清清地的，我覺得好過成日叫埋干牛河，或者揚州炒飯。

 

平衡下

最後，亦來個杞子燕窩豆腐，去平衡下，感覺健康一點。清清的一個餸，加入了燕窩，顯得矜貴。只是，中間放入的一片腐皮，有少許韌。

得閒再飲茶!

餐廳資料:
御名軒
天后電氣道22-52號金殿大廈1樓
2578 9983