新店速遞：大公館 - 又一股新勢力

食物：$$$
環境：$$$$
服務：$$$$

荔枝角最近出現了兩股新勢力，頗有來頭。這分別是剛剛介紹過，岳少的廳2；還有這家位於D2 Place 10樓的私人會所 - 大公館。

若不是濶太說來這裡用餐，身處貧窮線之下的筆者，直頭聽都未聽過呢啲高級地方，又長見識了。

即管做少少功課，免得出醜。一如所料，這裡的總廚，又是米芝蓮的星級廚師。

 

保持溫度

安頓好，點好了菜色，女經理走埋嚟同我們打招呼。怎麼濶太訂枱，佢會知道我的姓氏呢? 噢~ 原來是妳，呢個行頭，實在太細太細。
 

雙拼

濶太話事，食套餐。已包齊點心、主食、炒飯，以及甜品。燒味雙併行頭，是 叉燒配燒腩仔。前者味道只屬正常，勝在熱度充足。燒腩仔則皮脆，但稍稍咸了一點。

似曾相識

 

服務生拿上來的黑毛豬咸水角，筆者第一時間想起文華酒店的出品，聽說點心亦已過檔。殘忍都係咁話，大口咬下豬頭，夠熱又鬆脆，皮唔會勁厚，合格有餘。
 

有傳統

再來有傳統的蝦餃與燒賣，兩者都做足本份。吃蝦餃，我始終喜歡沾點辣醬，個人習慣而已。

沒啥特別

小菜一款，係黑松露翡翠炒雞柳，聽起來矜貴，我和濶太都吃剩了。

瞞唔過濶太的

 

海鮮炒飯，一上桌濶太就知唔妥，本身已經炒得麻麻，味道又偏淡口，怎能瞒得過吃慣好東西的濶太呢?
 

甜品好弱

跟餐的，是日甜品，到底是什麼呢? 等了又等，謎底終於解開了，原來只是兩件桂花糕，令濶太大失所望。加之，質素平平無奇，也沒興趣再選其他的甜品了。

吃罷，到處走走，旁邊的Jazz Bar似乎更吸引，原來仲有泰菜食，說好了要俾個機會佢。

 

 

餐廳資料:

大公館

荔枝角長義街9號D2 Place 10樓A