食物：$$$1/2
環境：$$$$
服務：$$$$
原來九龍酒店吃自助餐的倚窗閣，劃了一部份位置來做蒸海鮮鍋，講起也真的久違了這玩意。
坊間都有好些地方做蒸汽鍋，不過環境大部份都比較街坊，酒店當然唔一樣，坐得舒適之餘，食物的內容亦豈富得多。
點選了鱻上鮮的套餐，除了基本蒸汽鍋的海鮮外，還有生蠔、刺身及叉燒等，甜品也是可以在自助餐區任取任吃。美國與愛爾蘭生蠔，每人各一隻，有爽身的有Creamy的，一次過滿足兩個願望。
是夜夠疊馬，端上來的刺身拼盤也很有氣勢。油甘魚和三文魚肥美，甜蝦新鮮，但論最讚的我會說是北海道帆立貝。叉燒入口鬆化，是酒店應有的水準。熱身過後，進入蒸海鮮的環節。蒸鍋的內容既有波士頓龍蝦、扇貝、鮑魚、大蜆、海蝦及沙巴龍躉乜乜乜，另外非海鮮類亦有安格斯牛、醉雞與及各式菜蔬，非常之豐盛。蒸扇貝已配上蒜茸粉絲，自然來得惹味，當然扇貝本身亦鮮甜可口。
波士頓龍蝦已分別了鉗和身，先吃龍蝦身，只要跟住「貓紙」的時間去蒸，就可以做到最佳的效果。龍蝦鉗比龍蝦身更為鮮甜，這點是常識吧！如果鮑魚可以換上較大身驅的南非九孔鮑，必定會更加滿足。沙巴龍躉肉夠厚身，魚皮好吃，口感是致勝之道。要讚這「貓紙」建議的時間真的十分準確，雞肉嫩滑，多點酒香就更切合主題。
吃至此時，飽左八九成，不過跟住大家蒸既係安格斯牛，又點可以錯過? 薄薄的牛肉片，幾乎先一放入鍋即時可以拎起，就能嚐到軟嫩可口的出品。一大籃的菜蔬，要南瓜翠玉瓜有，菇類亦不缺，但我覺得最精彩必定是索味的娃娃菜。蒸完一大輪的海鮮，最後個口粥肯肯定是精華所在，店方再配幾枝蔘，呢碗粥真係不得了。飽到上心口，就算吃甜是另外一個胃，我都只能淺嚐。芒果拿破崙一向是酒店的耍家項目，估唔到竟有榴彈蛋糕，大家記緊要食埋Movenpick雪糕呀！十二款口味悉隨尊便。
最尾嗰個似carrot cake多啲喎🧐
回覆刪除求其放張甜品相🤣
刪除