2023年6月10日 星期六

木戶 - 放鬆的好地方



食物:$$$$
環境:$$$$
服務:$$$$ 

收工好多時都會想搵間輕鬆既餐廳,同朋友食啲嘢吹吹水,Relax一下,木戶係其中一個我喜歡的地方。

日本師傅在大家跟前燒呀燒,仲要係炭火燒,火光熊熊,香氣陣陣,相當治癒。

先整個味噌吞拿魚蓉,撈埋蛋黃放係紫菜上面食已夠吸引,師傅竟然想到配雪糕筒,風味和口感都提升晒。

個人非常喜歡食牛舌,來到呢度,除左食串燒牛脷之外,仲可以試下呢個日式燒汁燴牛舌。看上去有幾分像牛腩,但入口鬆軟,帶微甜的日式燒汁亦討好,連帶配角的薯仔都變得好吃。

沖繩既炙燒豚足係新品,贏在口感,一試愛上。

說過這兒是用炭燒,那就必須多要幾款。炭火鐵板燒既雞頸肉,是我的推介。爽彈的口感,結合炭火香,沾些少柚子胡椒醬,令人一件駁一件地吃,停唔到口。

燒魷魚沒有過火,唔怕韌,即使係邊邊位都無問題。

之前嚐過極上日本鰻魚爐燒,念念不忘,終有機會再次回味,味道沒有走樣。

海膽豆腐卡邦尼烏冬都係新嘢,聽名字好吸引,要試。起勢地撈呀撈,讓每條烏冬都沾上汁醬,的確幾有卡邦尼的影子。

愛吃飯糰的筆者,來一記醬油燒飯糰作結,香脆乾身,內帶點點濕潤,依然好食。滿足!


餐廳資料:
木戶
尖沙咀棉登徑8號地下G12-13號舖
21046855

2 則留言: