2023年5月6日 星期六

Gold Coast Prime Rib - 輕鬆鋸個扒



食物:$$$1/2
環境:$$$$
服務:$$$$ 

玩到筋疲力竭,最後一站來到Gold Coast Primb Rib大魚大肉一番。

餐廳位於酒店Lobby的一個角落,不像坊間的扒房咁拘謹,但落地玻璃正對住游泳池,又是別一番感覺。

口渴到不得了,先整杯川寧伯爵茶底的Mocktail來大啖呷幾口。

二人套餐內容幾豐富,嘢食似乎幾吸引,直接來兩份,唔使傷腦筋。先來有海鮮拼盤,龍蝦爆羔之餘,肉質亦唔會韌得像吃擦字膠。扇貝頂頭加埋魚子醬,矜貴。其餘的大蝦、青口及蜆等均屬新鮮貨色。

洋蔥湯味道濃郁,芝士做到拉絲效果,但不是邪惡到一碗就K.O你嗰種。

整個青檸雪葩清一清味蕾,主菜陸續登場。

本來不太喜歡吃熟既三文魚,需知道如果火候一旦控制得唔好,會是很災難的。幸而,呢度既三文魚煎至皮脆卜卜,肉不會嚡烚烚,自行沾上香檳汁,又幾好。

Prime Rib的生熟程度同樣拿捏得好,看色水就知道,軟腍可口的肉質,帶肥的位置當然更吸引,配合Gravy,沒有辜負店家之名。

甜品是組典的蘋果金寶,香氣十足,鬆脆可口,連埋雪糕一齊食,冷熱交融的效果,作為今餐,應該話係全天的圓滿終結,感覺太好。

估唔到留一天在大西北,會有如此得著。


餐廳資料:
海岸扒房
屯門青山公路1號香港黃金海岸酒店大堂樓層
24528636

2 則留言: