2020年11月13日 星期五

你妳 - 紫色控請留意



食物:$$$$
環境:$$$$
服務:$$$$ 

荃灣新開了一間台式餐廳你妳,筆者某個週日經過,大排長龍,令我產生好奇,想去一探究竟。

平日的中午,店子剛開門既時間,人客還未算太多,我一條友可以揀位坐。

進店後,我明白為什麼週末會有咁多年輕男女一窩峰湧至,皆因店子以紫色為主調,加上超煞食的芋見紫薯吐司,打卡呃Like無難度。

然而,我今次沒有吃那紫薯吐司,只柯打一份午餐。

午餐配搭算幾豐富,我挑了魯肉飯,兩款小食則是炸雞卷,以及甜不辣,加加埋份量唔少的。

魯肉飯當然不能於高雄的名店相題並論,主要是欠缺了較肥的豬肉丁,但以味道來說,在本地算是不錯的了。若豬肉份量能多些,米飯減少,就更合我心意。

小食之甜不辣,香脆而帶煙韌口感,又幾好喎!炸雞卷更加是外皮酥脆,肉質十分嫩滑,喜出望外。還有那隻真正的溏心蛋,完全挽回魯肉飯的面子。

蜂蜜綠茶夠凍也不過甜,我覺得比飲珍珠奶茶健康。

呢間嘢有回頭!下次應該要試招牌的芋見紫薯吐司,放上IGLike都好!


餐廳資料:
你妳
荃灣運通街6號運通洋樓地下K號舖
35946658


3 則留言: