食物:$$$$
環境:$$$$
服務:$$$$
身邊朋友不約而同大讚這裡的雞白湯拉麵及鰻魚飯做得出色,說到非試不可咁誇張,似乎無理由唔抽時間來會下佢。
話說,之前本約好車媽媽來吃『自廢開年飯』,忽然間大家都收到另一飯局的邀約,於是這個鰻魚飯之約便無限期擱置。
唔緊要,食拉麵/鰻魚飯啫,自己去都一樣。趁這晚要到土瓜灣辦事,就去幫襯了其新店。
始終唔知土瓜灣新店與佐敦店的水準會否有偏差,為免浪費Quota,先要碗雞白湯拉麵吧!若然掂既話,下次再來吃鰻魚飯。
奶白色的湯頭,看上去很對辦。飲啖湯,沒有爆發的濃郁雞味,但這平實的味道我卻很受落。店員建議牛蒡要快食,不要浸在湯內太久,的確又是香脆可口。赤雞肉的肉質嫩滑,叉燒質感鬆化,俱不錯。差點忘了說麵條,爽滑,但我仍嚐到有很輕微的鹼水味。
又點了份餃子,一客四隻,調味恰好,吃得滿足。
是的,我沒有飲汽水,喝熱茶也是一樣。
入左會,好似話下次買一送一定點,反正都會再來吃鰻魚飯,到時問清楚佢。
餐廳資料:
我對鰻魚飯興趣大好多,快啲試吖~~
回覆刪除收到
刪除車媽媽要keep fit,應該有排都唔會去試鰻魚飯了...
回覆刪除我減肥前巳經吃了hehe~
刪除唔緊要啦...
刪除