2017年5月28日 星期日

盈福小廚 - 朋友,間唔中要見下面的~


食物:$$$$
環境:$$$1/2
服務:$$$1/2

總會有些朋友,好日都唔見一次面,但心目中友誼仍一直存在,譬如我同ET,同埋莎莉。

終在臉書的回顧功能下,大家提起多年前的那磚四川豆腐,再聊起大家係時侯出來聚一聚。

兩位都好客氣,讓我去決定晚餐地點,一於建議去我想到訪已久的盈福小廚,吃些小菜,幸得他們的附和。
    


招牌瑤柱浸雞是必點的了,另再每人選一個餸,輕輕鬆鬆便成事。網上對這隻招牌雞的評語走兩極,有人讚到天上有,有些則說到辜負了招牌二字。與其聽呢個講嗰個講,親身試過才最實際。

雖不是新鮮雞,至少有點味道,肉質無疑是嫩滑,配上絲絲瑤柱,我認為合格有餘。還喜歡跟上的薑茸(叫蔥油更合適吧!),與像泰式辣醬,有少許似在吃海南雞的樣子。



另一款是椒鹽鮮魷配脆豆腐,鮮魷炸漿不過厚,咬落彃牙。豆腐香脆,質地輕怡,喜愛香口東西既我,實在欲罷不能。



ET想食牛腩煲,我肯肯定舉手贊成。成品熱呼呼的上桌,贏足印象分。牛腩鬆化入,味道濃郁,牛筋骨膠原豐富,誰都知道索盡醬汁的蘿蔔並不是配角,腍身又好味,我吞了不少。



我的選擇是銀鱈魚,有檸汁炸,以及頭抽煎兩個做法,挑了後者。鱈魚肉嫩滑與油份多,是理所當然。同時煎得香口,而且入味,吃兩件有點不夠喉。



吃得咁上下,再來一碟炒米粉吧!端上來時,那股鑊氣及香味,已告之大家係好東西。的確,我很久沒嚐過始此出色的炒米粉。



敬送紅豆沙,非甜人ET覺得太甜,我就當然無問題啦!




希望,下次再聚,不是幾年後的事吧~

餐廳資料:
盈福小廚

4 則留言: