食物:$$$$
環境:$$$$
服務:$$$$
老媽子牛一,傾家蕩產一餐唔少得。
以往十之八九是去五星級酒店/ 高級食府飲茶,不過,今云老媽子話要到半島酒店食日本菜,皆因數月前她到訪過,對那份和牛,念念不忘。
那就易辦,馬上發個Whatsapp予餐廳主理人Jack少,一切自會妥妥當當。
交由經理話事啦 |
與其自己傷腦筋點餐,倒不如全交由經理話事,縱然我哋呢個唔食這樣,嗰個唔食那樣,也絕對難不到經驗豐富的Jack少。
豐盛午宴由清爽的松葉蟹豆腐,以及口感有層次的多春魚揭開序幕,最合適不過。阿妹的是雞泡魚乾,也很合心水。
接著來的刺身,是預期之中的美輪美奐,質素亦是一如以往的新鮮無筋,尤其鍾愛帶子,鮮味爆燈。
主食方面,Jack少為我安排的,是和牛及龍蝦兩大主角,實在吸引,令人垂涎欲滴。
先吃沙律,各式菜蔬爽脆可口,車厘茄甜美多汁,還有頗豐富的帶子粒,好嘢!
湯的龍蝦頭也有不少肉食,蝦身配少許的紅椒絲乾吃,爽口,卻稍嫌韌了點,火候可控制得更好。
另一主角和牛,肉質鬆化,入口溶化,油脂甘香,十分出色。在旁的冬菇、紅椒、南瓜等菜蔬,絕不是配角,全部都有極高水準。
那份蟹肉炒飯,米飯炒得乾身爽口,內含足料蟹肉,我難得地吃至一粒不剩。
老豆的刺身,氣勢磅礡,但更誘人的,是澎湃的海膽飯。忍不住偷了一小撮來吃,鮮味到不得了。
飽得捧著肚子,但也要吃清眼前的青蘋果雪葩,實在清新。
呢餐堅係得喎,連蔬菜沙律都得到你嘅欣賞!
回覆刪除Happy belated birthday to auntie!
乖仔,你媽媽生得你好抵!
回覆刪除叉燒好D
刪除