食物:$$$1/2
環境:$$$$
服務:$$$1/2
人人話我好難約,用盡洪荒之力都約唔到,其實是錯覺啦!就好像今次,與朋友在食Buffet之際,對方話不如搵日食意大利菜,咁就成局,你話幾容易。
千挑萬選,還是揀來Holiday
Inn的Osteria。
當然不是首次到訪 Osteria了。喜歡這裡的輕鬆氣氛及手造意大利麵,還有提拉米蘇,也做得似模似樣。
清爽的開始 |
頭盤以龍蝦及帶子做主角,龍蝦以慢煮形式,效果自當嫩滑;帶子則是炒,來得香口,兩者形成對比。再加上車厘茄,同埋各式蔬果,十分清爽。最意料不及的,是在旁放上青蘋果雪葩,要加分了。
喜愛愛口東西既我,挑選了脆炸生蠔。金黃色澤,粉漿沒有太厚太硬,咬下去香脆,生蠔口感好,有汁,已合格。與味道獨特的意大利胡瓜花,是絕配。
肯定唔會走漏手造意大利麵,今次選了蜆肉。自家制的,口感必會精彩,絕不能跟一般貨色去相比。除了鮮嫩惹味的炒蜆肉,還有乾魚子,以及蕃茄,整件事來得更醒胃,不錯。
甜品環節,再次遇上這裡的首本名曲提拉米蘇,依舊的濕潤可口,沒令人失望。
另外,也點了心太軟。切開,朱古力漿湧出,相當澎湃。店方嶄新地配上紅莓雪葩,醒胃。不過,我始終認為它與雲尼拿雪糕,才是天生一對。
餐後的一杯Latte,是精神食糧,極為重要。
我都有同感你好難約呀,約極都未約到你嚟探我!;P
回覆刪除腦力儲緊錢 XD
刪除小女子有幸經常見到"神祕的劉總"
回覆刪除一D都唔神秘囉~
刪除