食物:$$$1/2
環境:$$$$
服務:$$$1/2
甚少入戲院看電影既筆者,竟然短期內連續看了兩齣港產片,而且,我覺得是幾精彩的。
入場前,先醫飽肚子,是必需要的。我不怕飯氣攻心,只怕到時肚子在打鼓,影響到人兼且十分樣衰。
朗豪坊的食肆吸引不了我們,索性行多兩步,到附近的食廈,幫襯樓上Café。其中有間DOUX,看似不錯。
舒適 |
店子氣氛寧靜,有落地玻璃窗,陽光射入來真舒適。唯一可惜的是,窗外的景觀,全是密密麻麻的舊樓。
認識我的朋友都知道,Carbonara是我的心頭好,見呢度有供應,即來一客。賣相挺對勁,夠滑又夠香,雖則有點漏,我也完成了我的部份。
另外,要了個漢堡,是Deluxe House Burger。所謂Deluxe,即有兩塊牛肉在內。採用澳洲穀飴牛,肉味未算很重,口感卻唔錯,幾Juice,加埋芝士,蕃茄及甜生菜等,不失為一個合格的漢堡。不過,現時既漢堡愈來愈高大,真會吃到幾哩啡。
飲品,我照舊要杯Latte,有拉花,可是質素一般。反而,對方的果味拿鐵奶茶,賣相好,據說也細滑。我失策了。
這裡的甜品看來十分誘人,可惜時間不容許,唯有下次再來,專攻甜點。
意粉同burger都好吸引下bor!
回覆刪除好想知你睇咗邊套戲呀,嘻嘻!
個BURGER真係好高大呀! 到底要點食?
回覆刪除個Burger高到呢!!
回覆刪除