食物:$$$1/2
環境:$$$1/2
服務:$$$
繼續是說不完的韓國料理,今餐係純子餐廳。
純子,不似是韓國人的名字啊!的確,佢係一位日本人,但細細個己跟家人移民韓國,成了大半個韓人。
由新鴻基中心,到謝斐道,純子在灣仔,大大話話都屹立左廿幾三十年,是老字號了。
水盡鵝飛 |
謝斐道一帶,假日就像一潭死水,我坐足一句鐘,也只得兩檯客 (分別是一人和二人),若不是家庭式經營,真係唔知點樣生存。
兩個人來到,奉上六碟前菜,這也是韓國料理最正常不過的安排。泡菜是自家醃制,夠酸也夠辣,薯仔也腍甜,吸味的豆腐好辣,唔錯。
點來煎蠔餅,早已切成一件件,煎得金黃,入口不是脆的,但幾香口,蠔仔成份也不少,每一口也存在蠔既縱影。沾些少魚露吃,合胃口。
再來一客炸醬麵,黑漆漆的賣相,很地道,同時份量大得離譜,即使兩人吃也嫌多。總覺得純子對此味特別緊張,從廚房走出來幫我們拌勻。味帶微甜,是很家常的味道,只是,實在太大碗,吃不完,純子見到,好唔開心。
若不是之後有地方去,不方便攞,我會打包個炸醬麵的。
純子餐廳
灣仔謝斐道209號地下
2827 9287
純子可愛的名字,好想見吓佢係咩樣!!
回覆刪除名字都呃到吓人~
刪除