食物:$$$1/2
環境:$$$1/2
服務:$$$$
筆者並不是相認滿天下,但身邊的朋友都待我十分好,相信是前世做了不少好事。
其中兩位老友,正確來說是師兄,相識了廿多年,一起經歷過人生高低,至今仍是經常保持聯絡,打波、食飯乜乜乜。
小弟之生日飯,一如以往,兩位大佬由我去選地方。上網隨便找了一家日本餐廳。
對呢間餐廳零認識,但看見師傅是日本人,而且隨之而來的兩檯客,也是日本人,信心自然大了一些。
三條茂利,分別點選了壽司定食、刺身定食,同埋西京燒。
|
開波 |
由漬物與茶碗蒸開始,前者是茄子,嫌佢未夠腍身。茶碗蒸熱度足,可是蛋香有限,內含雞肉及冬菇,不過今次就食唔到白果。
|
最不喜歡西蘭花 |
再來是沙律,各類菜蔬大致新鮮,車厘茄多汁清甜,但加入了西蘭花,我反而覺得有點怪。
|
壽司用上赤醋飯 |
豐富的壽司,白身魚、赤身魚、八爪魚,甚至是蟹肉……個人認為全部都可以接受,或許是因為用上赤醋飯,我有分加。
|
老友食刺身 |
老友的刺身,我沒有多碰,據說是合格分數,卻未到頂級水平。
|
家陣流行以物易物 |
銀鱈魚西京燒同是我愛吃的東西,所以我們玩了個Barter Game,以壽司換取一小塊鱈魚,誰賺誰蝕,計不了太多。
銀鱈魚的肉質自當嫩滑,富油香,送飯一流。
|
有咖啡才圓滿 |
餐後會跟甜品或咖啡,我當然要飲杯咖啡,即使放假都係咁話。
相當愉快的午餐,除了感激,還是感激!
餐廳資料:
ともえ鮨
尖沙咀漆咸圍2-4號金時商業大廈地下
3791 2346
跟老友聚頭食咩都可加分。
回覆刪除無錯
刪除你揀咖啡, 但甜品 (抹茶蕨餅??) 好似好正喎!
回覆刪除據說都幾好
刪除估唔到你嘅選擇係日本菜,我以為三位男仕共進午餐,會揀男人的浪漫添,嘻嘻!;P
回覆刪除生日流流唔好食燒腊啦卦XD
刪除