金記粥店 - 鐵頭功好勁......好鬼勁???

食物：$$$1/2

環境：$$$1/2

服務：$$$$

友人發給我一條短訊，是有關一個報導，指粥店奇人頭頂六十四碗粥送外賣。老友問我見識過呢個鐵頭功絕技未。

少林功夫加足球就聽過啫；少林功夫+外賣，我真係聞所未聞。不過，此間粥店的名字，已夠令我牢記於心，誓要找一天去會一會佢。

終於，有一天，機會嚟喇！

   

企理的熟食中心

整個熟食中心，比我想像中光猛企理。樓梯轉右第一間就是金記，服務好好，好友善。

 

不吃粥

給我發現了報刊上指的那位奇人，不過當時他只在招呼人客，沒看見他使出鐵頭功。似乎，絕招並不是咁隨便使出，我還是耐心等待……

 

懷念

一向對食粥沒有好感，加上大熱天時，更加不宜。先點份豉油皇炒麵，不會太油，亦沒有太硬，自行下點甜醬，也可以。講到炒麵，真懷念母校附近那鐵皮屋的出品，可惜，早已成為絕響。

 

下次試牛肉炸兩

再者，是我喜愛的炸兩，可惜有欠熱度。還好，腸粉皮算滑，油炸鬼也不致太硬轟轟。佢仲有什麼牛肉炸兩、叉燒炸兩等，大概是再將牛肉、叉燒等餡料，再釀入油條之內。或者，有機會再試。

  

阿姐問，要唔要杯豆漿。都好，之但係，又是唔夠凍的。

餐廳資料:

金記粥店 

柴灣漁灣邨漁灣街市大廈1樓11號檔