2016年1月10日 星期日

新店速遞:El Cerdo - 荃灣另類選擇




食物:$$$1/2
環境:$$$1/2
服務:$$$$

同老豆去試新嘢。餐廳真的很新,出牌顧問仲同店主研究緊申請酒牌事宜。雖然對話中沒提及過「酒牌」呢兩隻字,但筆者梗係知道發生緊咩事。更幾乎想出手相助,哈哈,我真係好愛呢個行業。

老豆問:「你點知佢搞緊酒牌?

大佬,撈左呢行咁多年,呢啲咁既基本嘢無理由唔識呀,你估我真係呃飯食架?! 我話。

唔好諗咁多,睇下食咩啦!老豆續說。
 


新餐廳

竟然,我倆不約而同選了吃漢堡。咁,不如佢食豬,我食牛漢堡啦!
 
有塊火腿

午餐可配湯,或者沙律,就各一大家些牙。沙律菜大致新鮮,最吸睛是有一片火乾火腿鋪在上面,雖不是一級靚貨,已有助拉高分數。
 
普通啦!

是日餐湯,為周打魚湯。濃稠尚算得宜,若能有點魚肉在內,增強層次,會好啲囉~
 
有個性

講講老豆既選擇,西班牙黑毛豬漢堡,包身並不是採用傳統的漢堡包,但就押了店家的名字上去,花了心思。黑毛豬厚身,帶有點點的豬羶味,頗有個性。除了豬,更混入了少許菇類,取代了甜生菜。
 
太乾

本人的美國安格斯牛漢堡,要了Medium。牛肉本身是靚嘢,味道濃郁,可惜過了火,乾巴巴的,欠缺肉汁,浪費了大好的材料。還好,那濃濃的芝士,彌補了一些缺憾。反而,配角既薯條,薯味重,可口。
 
飲左幾啖先記得影

餐飲,平時,大多會挑咖啡。是日,天寒地凍,竟想飲凍檸茶,我真係傻傻地,唔知係咪聽元秋講嘢太多。


餐廳資料:
El Cerdo
荃灣大壩街77號地舖
28823811

 

6 則留言:

  1. 幾吸引喎, 有機會去食下先

    回覆刪除
  2. 都係世伯醒目,將你拉返嚟現實!;P

    除咗麥記未試過豬漢堡,心理上覺得好難咬得開。

    回覆刪除
  3. 上星期日已想試不過車車喺度下星期要去食呀

    回覆刪除