大煲皇煮廚(長沙灣店) - 食肉獸相聚

食物：$$$1/2
環境：$$$
服務：$$$

打邊邊，有丸有肉有菜有海鮮，大概是很多朋友認為最精彩既事。

不過，筆者夢寐以求的，卻是來個沙嗲或麻辣湯底，狂掃靚牛肉，直至飽得不能動為止。

相信沒有女士會夠膽咁吃。已婚的男士，老婆亦都唔會俾咁樣食法，除非，你冒住回家扭耳仔、跪keyboard的風險，出來偷歡。

趁天時冷，捉埋麻甩牛魔朋友，齊齊擦餐勁既。
 

兩手準備

朋友未算很吃得辣，還是做定兩手準備，來個沙嗲/清湯的鴛鴦鍋，免得到時太辣，佢求救無援。

只覺得，沙嗲湯底有欠濃香，未算高質素。反而，清湯底是加入了菜蔬、栗米和豆腐在內，感覺幾豐富。
 

混醬

打邊爐混醬是指定動作，這裡的醬料選擇，稱不上多。但，我查實好簡單，有蒜豉油，已經足夠。
 

睇都知靚

二話不說，先整兩碟牛，分別是頂級手切肥牛，以及牛頸脊。輕輕的燙幾下，我唔客氣了。一濃味一爽身，各有所長，不用費神去分高下，總之一片接一片，停不了口呢！
 

配麻辣鍋更好

既然有沙嗲鍋（麻辣鍋當然更好），梗係要份午餐肉來伴之。肥美的餐肉最吸味，只可惜湯底唔得濃郁，風味大減。

芝心的

吃火鍋，我很喜歡有芝心丸乜乜乜，今次就點來芝心獅子狗。其實，獅子狗本身已經好岩打邊邊，再加埋濃郁的芝心效果，就更誘人。不過，吃時要小心，因為會是非常熱的，燙傷咀巴就不值了。
 

心理好過點

吃太多肉太多邪惡嘢，來一籃嫩口既皇帝菜，好讓心理平衡下。
 

爽呀!

咁豐富既盛宴，又點少得一罐可樂呢！

呢餐，超滿足～

餐廳資料：

大 煲皇煮廚

長沙灣青山道155-181號天悅廣場地下CA6號舖

2380 8899