新店速遞：樂天客棧 - 樂天第二個品牌到港

食物：$$$1/2
環境：$$$1/2
服務：$$$$

筆者對新加坡的餐飲行業，尚算熟悉，早已預料當地幾大集團，會來港開店。其中之一的猛龍，梗係樂天啦！只是，樂天殺入香港的步伐，比筆者預期，還是慢了些少。

繼八色小龍包的樂天皇朝外，終於終於，該集團的另一品牌，樂天客棧，也要登場了。

大家還記得樂天皇朝排隊排到九彩的「盛況」嗎? 主打南洋菜餚的樂天客棧，將其伸延開去。

筆者與幾位好朋友，在其正式開業的頭一天，去湊湊熱鬧。

 

彈牙

我哋幾條茂李食飯，都預左會係超級豐富，爆肚而回。開波就是香口的東西，酥炸海鮮油條。油條炸得香脆而不油，咬落清脆而不是死硬，釀入了海鮮膠，多一份彈牙口感。

 

混入了馬蹄

另一款香口的，手工蝦棗，個人更為喜歡，全因外層更加鬆脆，內裡的蝦棗，混入了馬蹄，豐富了口感。
 

肉騰騰

正義的朋友，原本想吃扣肉包，可惜售罊，唯有轉戰更邪惡的，鹵元蹄。膠質重，瘦的部份不韌，鹵水香，還滲出點點甜味，幾不錯。見到呢啲咁邪惡既嘢，真不可以放過。
 

胡椒味足

不妨也來個湯品，是晚的豬肚湯，打開煲蓋已是香噴噴，深知會是好東西。除了我大愛的豬肚、雞腳，還有驅風的天麻。加之，胡椒的辛辣勁亦很出，愈喝愈舒服。
 

頗濃咖啡味

恕我孤漏寡聞，咖啡雞真是首次品嚐。皮脆肉嫩是預料之中，咖啡味亦真的很重很濃，蠻有特色。
 

清新

星洲很流行將蝦球配以青芥末，以及沙律醬。這裡更做多一點，就是混入小量果肉和火龍籽，令感覺更為清新。
 

見真章

鐵板豆腐，自當不會是普通貨色，因這是用上自家制的玉子豆腐，好嫩滑，加上墊底的煎蛋，惹味的菜圃，實在教人停不了口。
 

難以抵坑

就在豆腐菜色見識了菜圃的美味，馬上追加一份菜圃蒸銀鱈魚。呢味更加唔得掂。因為除了菜圃肉末外，仲有極度香和邪惡的豬油渣，最絕還是與同樣油份十足的銀鱈魚相配襯，叫人點樣忍口呀?!
 

惹味

泰式海鮮炒米粉，則比較平凡，我只淺嚐了一點，留肚俾甜品仲好。反而，佢既喇沙，是十分惹味，大愛。
 

吃了很多款甜

有我們在，甜品款式總不可能少，既有傳統的楊枝甘露，也有特色的酸甘香茅凍，甚至是椰汁西米湯丸，當然唔會少得三色糕點。這晚的甜胃，也非常滿足。

中星馬代表?

 

期待樂天的更加品牌，逐步到港。

餐廳資料：
樂天客棧
大角咀海庭道18號奧海城二期UG樓UG09號舖
2177 0760