2015年9月1日 星期二

Whisk - 發光發亮



食物:$$$$
環境:$$$$
服務:$$$$

是咁的,在The Mira咁多餐廳之中,我較少會去Whisk晚飯。不是食物準差,只是因為環境太黑,我呢啲麻煩人又要攞部渣相機拍照,結果相片出來核突到爆炸,所以即使來用餐,也頂多會是中午前來。

不過,今時又唔同往日,餐廳換了大廚,風格與以前不一樣,就連燈光也調光了,氣氛沒以前拘謹,影相又靚我多,太好了!
 

留力

Whisk的麵包,從來好吃,而且款式次次不同,今勻的有脆卜卜的薄片,仲有鬆軟可口的藍莓包,只是,為了留肚,我唔可以食太多啦~
 
烤過

凱撤沙律食得多,味道大同小異,這裡出品的特別之處,菜蔬是烤過,味道會更香,口感又不錯,配合銀魚柳,比起坊間的,更勝一籌。


原味最好
筆者一向愛吃牛,各式各樣做法亦可,這牛肉他他,採用安格斯牛,優質味鮮,碟邊的四款醬汁,悉隨尊便,但我就祟尚原味。
 
好吃

蟹餅很多地方有得食,呢度都唔例外,不過,除了絲絲蟹肉外,佢仲混入了龍蝦肉,更矜貴,味道夠鮮之餘,口感自當更出色。

濃郁
 
再來,係大蝦忌廉砂鍋,蝦肉爽彈是肯定的事,另,很濃很香的芝士磨菇汁,也相當掂,伴以香脆的蒜茸包,認真無得輸。
 
肉嫩

主菜方面,是晚就有不少肉食,其中之一,係法國春雞,少少的份量,肉質相當之嫩滑,又多汁,沾上紅酒汁,盡是法式風情,我好愛喔!

堅好食
 
春雞唔錯,但烤乳豬,就更得筆者歡心。皮脆肉嫩,又沒有多餘脂肪,好食到不得了。
 
你愛豬扒嗎?

再者,是美國安格斯牛扒,同埋日本帶骨豬扒,於我呢個食肉獸而言,發達了。牛扒火候控制得宜,單睇色水已經可知一二,咬落更可確認是事實。至於豬扒,唔會又乾又硬,有水準。

不乏龍蝦
 
仲有兩款龍蝦食物,分別是伴意大利飯,與及自家制意大利麵,後者或許放久了,質感未見爽口,個人會選擇意大利飯。
 
清新

FHY的晚餐,甜品份量冇可能少,當中有360檸檬撻,長長的一條,雖不明白名字從何而來,清新的感覺,已足以討人喜愛,或許阿拔會怕太酸。

表演項目
 
有兩款甜品是會點火的,斑蘭焦糖燉蛋,同埋冷靜與熱情之間。前者水準是高,但大家應可想像得出其味道。咁,究竟冷靜與熱情之間是什麼呢? 原來,是火焰雪山。當然不是普通貨色,內裡含熱情果的清新,羸盡我心。
 
寫意

跟三五知己風花雪月,再呷口咖啡,吃件馬卡龍,暢快。

餐廳資料:
Whisk
尖沙咀彌敦道118號The Mira Hong Kong 5樓
2315 5999

4 則留言: