Follow me on Instagram

2014年10月23日 星期四

殷悅 - 讓我繼續放肆下去...



食物:$$$1/2
環境:$$$$
服務:$$$12

家住荃灣既我,對熊貓酒店自不然是相當熟悉,早在09年已為大家介紹過歐陸餐廳。而中菜廳殷悅,更曾是我每星期都會去飲茶的飯堂,其點心實在做得出色,只是,最近多人認識了,變得愈來愈難訂位。

蟹季來到,殷悅亦推出了大閘蟹精選套餐,筆者又唔執輸,約好時間跟朋友前來,享用豐盛蟹宴,都唔記得係今年既第幾餐蟹了。

打頭陣

一開始,服務生奉上的長碟,陣容有木耳及秋葵、燒鱔,同埋西班牙黑毛豬叉燒。木耳質地爽脆,甜酸平衡合適,秋葵從來是我喜歡的味道;鱔燒得脆卜卜,口感優勝;叉燒鬆化,希望下次可以多一點點蜜味。
 
足料
套餐總少不了湯羹,這客蟹粉燕窩燴海皇,打開盅蓋,第一感覺就是足料,吃時每口都是燕窩,仲有源源不絕的蝦,味道很讚,而且份量好多,若要我獨力完成,恐怕可以提早離場。
 
主角
重點,必然是大閘蟹。是晚吃的是公,清蒸的做法,肯定是最合心。拆開蟹蓋,爆羔的情況出現,是預期之中,甘香軟腴的羔,鮮甜的蟹肉,精彩。令原本話題不絕的飯局,大家也要稍稍停下,專心品嚐。
 
有咩飯係最殘仁?
正值秋涼,店家安排的迷你煲仔腊味飯,來得正合時。說是迷你,查實對我來說,是頗大份量。飯做得好,乾身口感佳,腊肉連點肥的吃,甘香無比,腊腸香而潤腸味濃,全是我的至愛。我還是一道蟹粉扒冬瓜來送飯,確是超級的享受。
 
小籠大包?
之後仲有小籠包。不,是小籠大包。成個拳頭咁大的小籠包,上桌時大家難免會嘩嘩聲。面頭放上一撮蟹粉,整件事更甘香。難得的是皮也沒有太厚,加上充足的湯汁,是合格之上的分數。
 
好夠薑
大閘蟹餐的甜品,無錯就是薑茶湯丸了。兩粒黑芝麻湯丸,軟腴餡香,薑茶辣勁充足,還混入了桂花,多一份清香。


下星期,我們再來,吃歐陸餐應Balcony了。期待中


餐廳資料:
殷悅
荃灣荃華街3號悅來酒店30樓
2409 3182

7 則留言: