2014年9月29日 星期一

萬麗海景酒店大堂酒廊 - 全新週日香檳早午餐



食物:$$$$
環境:$$$$
服務:$$$$

好不容易才捱到假日,美好的星期天,大家會有什麼節目呢?

行山? 打波? 做義工? 溫書? 享受家庭樂? 還是乜都唔做,在家Hea下呢?

筆者的最大興趣,始終是吃。這個星期日,我就跑到灣仔萬麗海景酒店的Lobby Lounge,吃Sunday Brunch

 
來吃Sunday Brunch

萬麗海景? Sunday Brunch? 你唔好耍我喎!沒錯,從9月開始,她們亦首次推出了週日香檳早午餐,為大家帶來全新滋味體驗。與時並進嘛!
 
先逛沙律吧區

第一輪吃的

準時來到,趁人不多,周圍的拍拍照。原來,食物種類也不少的,清爽的沙律菜、醒胃的薯仔蘋果沙律、甜美的燒燈籠椒、多汁的車厘茄、受大眾歡迎的煙三文魚等,是我的開場白。
 
海鮮區好豐富

好新鮮

熱身過後,就要向海鮮區進攻。法國生蠔新鮮到極,波士頓龍蝦肉爽多羔,翡翠螺不會韌的像擦字膠,青口大隻而飽滿,還有蟹腳,全都是新鮮有水準,只嫌不是每檯都準備好剪刀,在吃蟹腳時有點兒狼狽。
 
不會錯過的

我愛的項目

再來,會是芝士,同埋風乾火腿。認識我既朋友都知道,軟熟的風乾火腿,從來討我歡心,那管是配上多汁的哈密瓜,抑或是清甜的無花果,一樣掂。三款芝士中,個人最欣賞Fourme d’ Ambert,跟脆片最合拍。
 
有水準喎!
甜魔媽媽Yan拿了點刺身回來,跟大家一起分享。三文魚還好,海膽味道很鮮,帶子亦毫不遜色,比預期中更有質素。
 
主菜前
主菜之前,每人有一份黑松露賓尼特蛋。蛋黃似乎是過份的流心了,雖然,很多人會喜歡。
 
彈牙口感
四款主菜,我們要勻,再分吃。先講豬,火侯控制得宜,咬落彈牙,沒有太乾巴巴,合格有餘。
 
可以更好
筆者瞄住的,當然仲有和牛。然而,肉質及不上預期,雖不是韌,卻欠缺那入口融化,以及那些脂香,略有所失。
 
吸引

口感OK, 只咸了一丁點

兩款海鮮,其一是煎鱸魚,魚皮香,魚肉嫩,對胃口。反而龍蝦意大利飯,好大碟,開邊的波士頓龍蝦,雖是多羔,具氣勢,米飯口感對勁,可惜味道是略為咸了一點。
 
甜品時間

好睇又好食

甜品區的選擇甚為吸引,至少可以迷倒我們三人。各式各樣的蛋糕,賣相味道俱備,果撻新鮮,奶凍做得細滑,朱古力慕思濃郁,還有哈根大師雪糕任食,愛甜的FHY + 文廸,樂透了。
 
每人一客
除了在外面的甜品,店方還為每位客人炮製疏乎厘,誠意十足。這個出品,輕怡,但酒味頗重,對女士來說,會否重口味了一點? 我,是沒有問題的。
 
可否把時間停住?
呷一口意大利咖啡,想著怎樣可以把時間停留

發夢似乎太早。


餐廳資料:
萬麗海景酒店大堂酒廊
灣仔港灣道1號香港萬麗海景酒店大堂
2802 8888 / 2584 6983

4 則留言:

  1. 一早起身比你同Yan咁引法真係餓C人咩haha~

    回覆刪除
  2. 選擇咁多,比著我已經好滿足啦!

    如果返嚟,一定要請教下你呢個活動buffet指南! :D

    回覆刪除
    回覆
    1. 你快D返嚟, 我地一齊去食好嘢啦

      刪除