2014年9月20日 星期六

國金軒 (美麗華店) - 得閒飲茶



食物:$$$$
環境:$$$$
服務:$$$$

試問有咩好過假日瞓到自然醒,之後去飲茶食好嘢?

這個周六,筆者就是這樣。同行的,還有好友ET,以及兩位美女公關朋友。

真係講都唔信,我去過N咁多次國金軒,但次次都係食晚飯,卻從沒品嚐過這兒的點心。這次,終於有機會了。

 
小食有驚喜

就由公關朋友為大家安排幾款食物,我就吃住餐前小食,慢慢等。其中一款小食,看似菠蘿,原來竟是冬瓜,質感做得爽脆,配上芬達等的汁料,有點像吃生果般,清新醒胃。
 
中午飯都有靚湯
平時少湯水,亦甚少喝茶記的例水,幸而每到高級的地方吃飯試菜,總會有機會喝過夠。是日的燉湯,花菇厚肉而腍身,花膠養顏,湯頭清潤甜美,灌一碗下肚,舒服晒!
 
足料
點心隨即送上,先是露筍鮮鮑海皇餃,晶瑩剔透的外皮包裹著豐富的餡料,再以一片鮑魚放頂,精緻。這味真要以皮薄餡靚去形容,裡頭的鮮鮑魚不會韌,還有爽脆的露筍等,絕無欺場。
 
賣相靚仔
蝦餃外形靚仔,摺得恭整,附以一小撮金箔,矜貴。咬下去,餡料的蝦肉實在多得有點誇張,連同筍尖,爽口好吃,精彩!
 
鱈魚腸粉
來來去去都是蝦腸牛腸叉燒腸,來得國金軒,就要名貴些,選了鱈魚腸粉。腸粉皮晶瑩而滑溜,鱈魚本身就是嫩滑又充滿油份的東西,兩者走在一起,自會合拍,可以長相廝守。
 
很高水準
這裡的春卷,炸得香脆、乾身、不油,外皮確是無比鬆脆,餡料除了蝦肉,仲有馬介休,絕不是坊間酒樓的出品可以媲美。
 
推介!
要論最驚喜的,必要說到海參牛筋氣麵扎。這公關朋友俗稱為「一口牛腩麵」的東西,是將爽口的生麵,包裹著牛筋以及海參。由於牛筋和海參入味,配上了腩汁,做法聰明,是頂級推介。
 
滿足了~
本想再翻兜這裡的甜品名物榴槤布甸,可惜中午沒有供應,改以清爽的楊枝甘露作結,同樣滿足。

悠悠閒閒,風花雪月,假期本應就是如此。

餐廳資料:
國金軒
尖沙咀彌敦道118號The Mira 3樓
2315 5222


10 則留言: