Follow me on Instagram

2014年9月16日 星期二

炊豕店 - 被門面引了進來



食物:$$$1/2
環境:$$$$
服務:$$$

在附近開完會,六點未夠,早一點吃過晚飯,然後才打道回府吧!

原本的目標,是我認為頗具水準的拉麵Jo,去食個雜菜拉麵。但當我路經禮頓道,發現這家門面搶眼的小店,蠻特別的,又心郁郁想試試。掙扎了幾秒,最終決定轉軚,進店去。

好懷舊

又是放滿懷舊東西的店子。在這裡,你會找到九龍錶行的鐘、舊式的紅色茶壺、公仔箱 (電視)、撥輪式電話,以及連筆者也沒有玩過的坦克車玩具,令人氾起無限回憶。
 
公雞碗

來一客豬扒飯

食物選擇不多,只得豬扒、南乳豬手、瑤柱牛腩和叉燒滑蛋,可配白飯,或撈粗/ 幼麵。既然店子稱之為炊豕店,秘制豬扒相信會是招牌菜吧,就來客豬扒飯,配肉燥汁。原來,餐具亦是雞公碗,貫徹懷舊的風格。
  
墊底是肉燥
幾件肥大肉厚的炸豬扒,樣子對辦,豬扒底下便是肉燥汁,盡量把肉燥汁來撈飯,味道不俗,只嫌汁醬太少。放件豬扒入口,外層幾香脆,肉質鬆化不韌,熱度足,水準比預期好。
 
好過去連鎖店

與其花四五十個大洋去食連鎖茶記,倒不如花點時間,發掘一些有個人風格的小店,價錢差不多,但必定吃得更滿足。

餐廳資料:
炊豕店
銅鑼灣禮頓道122號地下
2805 6665

10 則留言: