食物:$$$1/2
環境:$$$
服務:$$$1/2
近月,在公在私,很多時也要找吃中菜的地方。正當頭痛要去哪裡吃之際,出現了兩間甘字輩的食肆。
人山人海 |
仗著鏞記的大名,店子瞬間成為焦點,不少食客慕名而來,筆者當晚就見到有老外有國內同胞,吃得不亦樂乎。由於地方不大,據說又是要早成個月訂位。時代唔同,香港地現在有太多店子,閒閒地要等一兩個月,才有機會食,唔係話有錢就乜都得。
甫坐下,店家就立即放下一碟子薑皮蛋,但,這是要收錢的。不過,來到這裡,你又無理由不以皮蛋作開場架嘛,呢碟晶瑩剔透,溏心的皮蛋,夾上子薑同吃,依然有水準。這份錢,是值得俾的。
齊人,開飯。燒鵝是走不了的吧!否則,來這裡幹什麼? 本想要半隻,回覆竟是只有例牌,沒所謂。跟鏞記的版本一樣,皮是不脆的,但肉味尚且濃郁,只嫌稍韌了少許,不過不失,始終唔可以同老店相提並論。
是晚,我們吃得幾放肆,其實是「超晒標」的。生煎鵝肝腸,本身就是甘香,跟上都包同吃,邪惡卻美味。如果可以再輕輕煎香一點,相信會更精彩。
老友問大家食唔食桶蠔,Why Not? 桶蠔自當是身型巨大,拿上桌時沙沙的聲響,香噴噴的,未食已經羸了一半。大大啖咬下,甘香可口,墊底的洋蔥更是精髓,夾多一點配蠔吃罷!
還有一道鍋貼蝦,大蝦與多士亞相依傍,爽口的蝦肉,跟香脆的多士,做出雙重口感,只嫌蝦的鮮味有點不足,自行沾上一些沙律醬去補救好了。
吃得邪惡,嚴重超標,來一個素菜去平衡下,故作健康。五秀炒素,馬蹄、西芹、木耳、鮮百合,及蓮藕,幾款健康食材炒埋一碟,形成這道豐盛素菜,心理上會否過得好一點?
單尾,再次不健康地叫了鵝油炒飯,超級的香,加上菇粒、芥蘭粒和鵝肉,無可能唔好食。
原來,大家都有好消息,呢餐真的吃得開懷!更好的是,翌日是假期 XD
餐廳資料:
甘飯館
天后水星街5號海興大廈地下
3568 2832
睇落水準唔錯呢
回覆刪除可以接受啦
刪除係咪好食過鏞記呀?依家鏞記都唔好食啦
回覆刪除差不多
刪除見到隻皮蛋搖搖欲墜就想食啦!
回覆刪除皮蛋係唔錯既
刪除價錢應該無鏞記咁貴啦? 咁真係要試試
回覆刪除平好多呀
刪除返黎後好想食中菜丫, 不過地點有d遠~~~
回覆刪除去第二間囉
刪除我都有諗過同呀妹去試下...不過未成行
回覆刪除好多人喎~
刪除