2014年8月2日 星期六

夜上海 (尖沙咀店) - 上海回憶



食物:$$$$
環境:$$$$
服務:$$$1/2

夜上海,已吃過好幾遍,但印象最深的,卻是四年前的一頓Farewell宴。不是食物特別好或過份差,只是這次一別,就真的是各散東西,斷絕聯絡,即使現今有偉大的「面書」,也再找不回我們當年的友誼。

唔知係咪呢個原因,今次同外國的親戚朋友食飯,臨時臨急要找餐廳吃晚飯,我又想起這裡。

 
上海情懷

幾年間,環境從沒有改變,依然是滿有特色,加上小籠包此類食品,外國人特別喜歡,所以是晚也不乏老外捧場客,每檯至少一籠,吃得歡喜。當然,多外國食客,並不等於是呃鬼佬的地方,這裡也不是浪得虛名。
 
清爽好吃
大家顧著傾計,話題寧舍多,點菜就由我來操刀,可以專揀我的心水食物,實在太好了。冷盤兩款,其一是醉雞,賣相靚仔,皮爽而肉嫩,滲出輕怡的酒香,不會太濃和搶喉,唔錯。
 
脆口
另一款冷盤,係脆鱔。條條長短相約,不會來得太碎,咬落酥脆香口,甜甜的又隱約有點薑味,很合心。即使放耐了亦能保持一定口感,相當不俗。
 
停不了口
突然想食片皮鴨,雖然不是上海菜的項目,但想食就叫吧,隨心一點有時也是好事。單是鴨皮的色澤,以及片得薄薄的淨皮,已教人興奮。以軟熟可口的外皮,包裹著極脆的鴨皮,連同京蔥和醬汁同食,是好吃得停不了口的。要清碟,確實完全沒有難度,我甚至想再追加一隻。
 
濃而不過咸
片皮鴨的第二食,是鴨肉炒銀芽。火侯控制得宜,鴨肉唔會韌,加上濃而不過咸的醬汁,夾埋爽口的銀芽同吃,大定都顯出滿意的面容。
 
名物
再來這裡的招聘菜色,稻草扎肉。掀開粽葉,滿是荷香,五花腩炆得夠時間,鬆化入味,即使瘦的位置都唔會韌,比早幾次來吃的,更出色。有人更醒目地來一個白飯,以濃郁的醬汁伴之。呢碗飯,既邪惡又美味。
 
乾身爽口
最後也來一道菜。原來很想吃干煸鮮筍四季豆,但在座有人怕筍毒,就只要干煸四季豆便是。四季豆上桌,我已斷定必然會好吃。的確,煸得夠乾身,又不會像條柴,咬落爽口,有水準。
 
滑溜
大家都吃得滿足,就是平時不愛甜的,今晚都主動說要點甜品吃。酒釀丸子棗泥鍋餅天天的吃,真有點怕。見這裡有西式的甜品,就來客豆腐口味的Panna Cotta。其實,現在很多中菜館子亦有西式甜品供應,而且水準並不遜色,美心集團是好例子,這裡的也一樣,Panna Cotta夠香夠滑,對辦。
 
滿意

這個晚上,食神好像解臨在我左近。


餐廳資料:
夜上海
尖沙咀廣東道3號馬哥勃羅香港酒店6樓
2376 3322

11 則留言:

  1. 朋友真係要維繫的隔得遠便易變質了!!

    回覆刪除
    回覆
    1. 唉...我以前都有好多好好的朋友,不過一但冇聯絡,大家就「失蹤」了

      刪除
  2. 想搵都無能為力嘅無奈呀!唯有祝福他們安好!

    脆鱔啱我呀!仲要有薑味,正!

    回覆刪除
  3. Panna Cotta我想試呀,e間好多甜點我都想食的

    回覆刪除