2014年7月31日 星期四

The Lounge - 四季酒店的號召力



食物:$$$1/2
環境:$$$$
服務:$$$$

晚上九時許,又再在Angelina碰灰。朋友士氣十分低落,把心一橫,說:「去四季食甜品喇!」

一下子,差點兒被她拋窒。定一定神,其實,食甜品飲咖啡,正合我意啦!而且是對方請客,誰怕誰? 於是,大家就往The Lounge方向走去。

來吃點甜

呢個時間,The Lounge竟近乎爆滿,使唔使咁誇張呀? 香港地,真係愈貴愈多人,問你屎未。Anyway,唔理仍咁多,揀甜品食最緊要。
 
清新
各自揀一款,大家分吃吧,我哋不嬲都係咁的啦!對方的選擇,是巴菲,大黃巴菲的質感很不錯,愈吃愈清爽,配上精美又鬆脆的黑加倫子蛋白脆餅,以及清涼的薄荷茶啫喱,仲有我很喜愛的大黃莖,整件事來得很清新。
 
重口味
另一款則是重口味的出品,朱古力慕思味道相當濃郁,也較為杰身,配以芒果熱情果去作平衡,實是十分合適之做法。只是,個人認為,切粒的芒果的味道未夠清新,顯不出那強烈對比的美妙效果。
 
少不了你
我,是不分晝夜,也要有咖啡的。難得來到,這杯Latte,走不了。
 
可惜翌日要上班

呷口咖啡,風花雪月,轉眼間又是十一點。如果翌日不用上班,你說多好!Wait,點解十一點鐘,仲係坐滿人的呢?! 我沒眼花吧?

餐廳資料:
The Lounge
中環金融街8號香港四季酒店大堂
3196 8820

8 則留言: