食物:$$$$
環境:$$$$
服務:$$$$
我和我老豆,兩個都是打橫行的……巨蟹。所以,會等埋一齊慶生。今年,老豆話要食中菜,由我去選一間。既不要天價的酒店食肆,又想有一定水準,我就想起了這家低調高手
– 凱悅軒。
其實,我也是這裡的粉絲,不論是朋友慶生,商務飯局,或甚是試菜,我也來過好幾次,總之沒有一次會是失望而回的。
我又來了 |
環境依舊典雅,服務到位,是老豆老媽子喜歡的地方。故此,食物還未上桌,老媽子已問我呢度既點心掂唔掂,價錢如何……可預見,她將會是這裡的熟客。
好了,介紹食物。指定動作是叉燒,看其色澤以及燶邊位,相信依舊保持水準。這碟叉燒,應該是兩個不同部份,雖然兩者均有蜜香和肉香,味道對勁。墊底的是帶點肥,且肉質鬆化,但邊位的明顯頗韌,要花力氣去咀嚼。
再來的柚子海中蝦,蝦是做得香脆,連殼也可以吞下去,蝦頭的羔更是甘香,配上酸酸甜甜的柚子醬汁,感覺清新醒胃。配角的青椒和紅西柚,我統統都不會放過。
繼而是馬友煎肉餅,這道家常菜色,從來討我歡心。這兒的亦很出色,咸魚夠香,肉餅沒有死實實,卻亦不會完全失去口感,確是精彩。吃不完的,我妹已打包翌日帶飯了。
最後一款咸食,有帶子琵琶豆腐。外表跟一般的琵琶豆腐沒兩樣,實質是花手功的菜色,因為這是釀入了帶子粒,倍添口感。若然帶子可以更鮮甜,整件事應該會更上一層樓。
老媽子始終要吃飯,就來碟瑤柱蛋白炒飯。飯炒得乾身香口,粒粒分明,平凡中見真章。
雖然已飽得七七八八,但都不會走漏甜品呢個咁重要的環節,就點來兩款,其一是焗西米布甸,即叫即焗,等候時候會耐一點。不過,當看見桌上香噴噴的成品,蓮蓉細滑,就會同意,等再耐也是值得的。
結尾的酥皮流沙盞,是店家的招牌項目,咬下那酥皮後,裡頭是流心的湯丸,層次豐富,視覺和味覺均能得到滿足,大家不妨一試。
餐廳資料:
凱悅軒
尖沙咀河內道18號尖沙咀凱悅酒店3樓
3721 7788
對個帶子琵琶豆腐最有興趣呀!
回覆刪除今次大家反應好唔一致喎, 有人中意肉餅, 有人恨食叉燒, 你就有興趣琵琶豆腐~
刪除依間真係好美味~~~~
回覆刪除馬友煎肉餅見到流口水呀
回覆刪除我打錯左, 查實係蒸肉餅 :P
刪除不過真係好食
你搞到我好想食叉燒呀,流口水了
回覆刪除下次你請我食囉 XD
刪除佢既叉燒真係好得
回覆刪除個果係煎肉餅?咁多水既?
竟然俾你發現到我打錯野......查實係蒸肉餅 :P
刪除yeah!!hehe....
刪除